Knetter harde

Rock & Roll

Ni-js

Luuster "Loat ow neet bezeiken" of "Olderwetsigheid = Bestigheid". ('T hele nummer, én veur niks natuurluk!)

07-02-2012: 'T is weer es tied veur ni-js... Wielle bunt now wereldberoemd in Friesland!

03-08-2011: Wi-j hebt 'n ni-je drummer! 'T was 't wacht'n weerd. Kwazzel zit d'r now vast bi-j. Wielle bunt hardstikke bli-j da-w zo'n gave pik gevonden hebt. Hee was verdwaald op zien bunders grote landgoed an de schipbékke.... Gelukkig wazzen wielle verdwaald toen wielle an 't jensen wazzen an de schipbékke. Dus, kom binnenkort kieken en luusteren, wielle goat d'r weer olderwets op!

Kwazzel op zienne olderwetsen Deutz. En deerns, bekiek um moar van dichterbi-j a-w an't spöllen bunt!

09-04-2011: Bi-j Bennie lup 't nooit zoals i-j verwacht. Wielle zollen effe wat zoepen samen, moar Bennie had al 'n hele set kloar gezet!

Lekker buuten op 't gres met mega völle bier, gehaktball'n, dreuge wos en ribbetjes. En dan lekker knappen! Mega mooi, hahaaa!

10-01-2011: Wendy is Haverkampster van 't joar! Eindeluk 'n deerne as fan van 't joar! Gefilliciteerd Wendy, dreag d'n titel met ere! Oelleu konnen éne moal kiezen wie van d'n Haverkamp(st)ers van d'n moand a-j 't 't meeste gunnnen, en oelleu hebt Wendy gékózen! Zoadterdag 12 meert goa-w 't gratis thuusoptre-jen vieren in eur kamer in Café 't dorp in Dedemsvaart (Moerheimstraat 2, 7701CE).

03-12-2010: 'T doek is gevallen, wielle stoppen d'r met. Wielle hebt 'n beste bult drummers in de oefenruumte gehad, moar gin éne die bi-j ons paste.... 'T drummen was niet 't probleem, moar umme 'n echte rocker te vinden die net as ons gewoon schik wil hebben op 'n gemeudelukke manier en zonder rieke te word'n met 10-20 optre-jens per joar, dat was wel 't probleem. Jammer moar helaas. Eigenluk wollen wielle gewoon weer 'n hele ni-je set instuderen, met ni-je eigen nummers, 'n ni-je energieke drummer enzo. Onderling hebt wielle nog steeds 'n bulte schik, moar al dat gezuuk noar 'n drummer, dat gif gin positieve energie. Misschien da-w oaver 'n tiedjen de droad nog weer oppakken, an ons 4-en ligt 't neet, wi-j zeet 't wel. 'T zwarte gat veur ons zal wel neet makkeluk wéhn, Kruppstahl hef de band opgericht in 1994, Hokhart en Basman spöllen al vanaf 1998 en Reerbek vanaf 2003 bi-j muziekvereniging Haverkampband.

Dus, wielle wilt nog 1 optre-jen doone, bi-j de leste fan van 't joar! De leste 12 haverkampers van de moand kunt binnenkort weer olderwets strijden umme de deur iedereen fel begeerde titel HAVERKAMPER VAN 'T JOAR! Wie zal bi-j de groten der aarde goan behoren noa Plakkie en Sjek? Wi-j denken zelf an 'n doatum in Februari, noa alle feestdagen en ni-j joars wensen. Wielle hopen eigenluk 'n betjen dat alle fans doar nog éne keer met ons kunt knappen! Dus dat de leste fan van 't joar 'n gastvri-je deerne of kearl is.

Van onze kant willen wielle alle Haverkampers bed(r)anken veur alle schik! Wielle hebt 'n gigantisch mooie tied gehad, gin cent verdiend, moar wel veur 100.000 Euro schik gehad! En bulten gehaktballen en Grolsch neet te vergetten!

10-09-2010: Noa 'n korte vergadering en lange zoepen bunt wielle d'r uutgekommen da-w deurgoat met de band en 'n ni-je drummer goat zuuken. Veur degenen die 't gemist hebt; Bennie stopt d'r met, hee is zo groewluk drök dat é gin tied van spöllen meer hef. Alderjekes jammer, zekers umdat Bennie d'r goed bi-j past. A-j geerne bi-j ons wilt drummen dan ku-j contact opnemmen. Dit joar hoapen wielle dus 'n ni-je drummer te vinden, 'n ni-je set d'r in te stampen, afscheid nemmen van Bennie en natuurluk, 't ALLERBELANGRIEKSTE, d'n Haverkamp(st)er van 't joar te kiezen!

23-05-2010: Zoadterdag 05 juni HKB fanclubdag in Empe, d'n dag veur d'n Haverkamp(st)ers! 'T wordt onmundig schik maken en pien in de pense van 't lachen. Umme 14.00 uur goat de hekke lös en ku-j ow caravan aans neerdrukken en ow de pense goed vol zoepen en vréten. Umme 15.00 uur geet 't écht beginnen. Wi-j zult ow de pense ok loaten schudd'n van 't lachen zodat 't 'n betjen anzakt en i-j zo weer wieter kunt zoepen!

Iederene is gewoon welkom, a-j moar gek bunt op R&R, mooie deernes (of stoere kearls), bier zoepen en onmundig völle vréten en schik maken! Iederene begrip natuurluk dat onze échte fans 'n ereplek hebt!

Programma:

14.00 uur camping lös.

15.00 uur gave dinger en korte optre-jens Haverkampband.

17.00 uur vréttente lös

19.00 uur oavondprogramma optre-jen Haverkampband

23.00 uur noazoepen en schik maken.

28-02-2010: A-j opgelet hebt dan heb i-j gezien dat wielle niks uutgevoerd hebt..... Wi-j hebt 't effen hénig an gedoan umdat 't alderjekes drök was buuten d'n band umme en d'r bunt wat familie umstandigheden ewes. 'T begint al weer aardig te jökken, dus wielle bunt ganges umme weer wat optre-jens op d'n lieste te kriegen, binnenkot meer.

03-11-2009: Batermans is estopt bi-j de Haverkampband. Deur alle drökte in 't leaven noast de band is 't vinden van tied 'n steeds groter probleem ewordne. Wielle hebt 't d'r lange oaver gehad moar wi-j goat wal deur. Bennie nemt de stökke oaver.

17-10-2009: Basman hef zich wéér ander grei ekocht.... Zo hénig an kuch é zichzelf failliet. De geruchten goat dat é net as DSB 'n aparte constructie hef émaakt in de Haverkampband holding umme de dure hobby's te betalen. Høkhart hef d'r ok 'n best andeel in met zien ni-je Bo-el høk-iezer. At ze moar neet failliet goat...'T grei dut 't wal at davert, noadeel is dat volle bierflesjes van de verstarker afdonderen a-j um harder as 7 zet....

19-09-2009: Effen wat ouwehoeren met mekare is ok mooi, zekers op d'n plek woar wielle wazzen! Fons, bedrankt!!! Wiele hebt veur zekers 150 Euro an paling en vleis opevretten, 't bier was ok al neet an te sleppen.. 'T was weer olderwets gezellig!

16-07-2009: Basman hef d'n grootste!

30-06-2009: A-j 29 augustus met ons met wilt noar Drouwenermond, en dat wil i-j! Dan ku-j meelen zodat wi-j veur 'n busse kunt zörgen, is wel zo veilig met al det gezoep....

08-05-2009: Haverkampband steet in d'n "Violent moshground", wel in d'n buutenlaandse, moar d'n eer is d'r neet minder umme! Bedrankt Faber! Now nog 'n stuk of wat optrejens wiet weg woar 't vollek neet kan proaten en dan he-w pas echt schik!

29-03-2009: onzen Batermans geet veur 'n hallef joar op drumles in wietweggistan, wielle hebt 'n dondersen vervanger wetten te kriegen. Bennie klabaats, wereldberoemd, hee hef in Sixfeet ezetten en wet völle van bierdrinken en gave muziek af. Bi-j 't volgende optre-jen is é d'r bij.

Bennie steet op 'n weulenbulte, .....

12-02-2009: op 7 meert krig Sjek, onze Haverkamper van 't joar, 't GRATIS thuusoptrejen. Wi-j bunt beni-jd of zien buurte noa ons bezoekjen nog zo vriendeluk bunt.....

28-01-2009: Sjek, onzen Haverkamper van 't joar, hef ziene worst opgeméten. Haverkampband hef um toe-ezeg dat é 'n meter of 4 (4,65m) zol mott'n wéhn, moar 't is 6,05 meter ewordne, 't spiet ons dat 't davert Sjek! Bedrank slageri-j Aalpoel moar, wi-j hebt 'n meter of 4 besteld, en het moch bes (=geerne!) ietskes meer wéhn. Zee hebt 'n groewluk lange darm uutgezocht en heel veurzichtig 'n zo lang meugeluke wost emaakt, arg moeiluk, moar zee bunt neet veur niks kampioen wostenmaken!

En ehh Sjek, völle geluk met 't broajen....

24-01-2009: Sjek is tut Haverkamper van 't joar ékózen, gefilliciteerd Sjek, dreag d'n titel met ere! Oelleu konnen éne moal kiezen wie van d'n Haverkamp(st)ers van d'n moand a-j 't 't meeste gunnnen, en oelleu hebt Sjek ékózen! Iederene donders bedrankt veur 't stemmen, ok namens d'n Haverkamp(st)ers! D'r wazzen meer dan 1000 stemmen, dus meer dan 1000 verschillende rock(st)ers die 'n stem hebt egeven! Da's 't dubbele van vergangene moal! Grote klasse!

30-12-2008: Noa 1 wékke, 12 uren, 19 minuten en 8 seconden bunne wi-j weer on-line, één of andere ulk had zich deur d'n kabel hennevretten bi-j d'n provider..... Foi toch! Wat 'n bulte kwoa-je pikken he-w esprokken, ze wissen gaa niet woar ze met de vri-je tied hen mossen. Moar now hebt oeleu weer 'n lévensbestemming en ku-j weer fijn op d'n site rondkieken!!

21-12-2008: Wés d'r vlot bi-j 24 januari bi-j d'n Haverkamper van 't joar verkiezing! D'n slaopkamers in hotel / café d'n Exelse mölle bunt zowat uutverkocht! D'n Haverkampers kunt gin kolde li-jen in 'n slephut.... D'r is gin veurverkoop, want d'n zaal is groot zat veur heel Nederland!

18-11-2008: Zo, d'n poll is geslotten. D'r hebt 1050 Haverkampers op d'n stemknop gedrukt! Da's groewluk völle duch ons!

12-11-2008: Zo, nog effen stemmen, zundag 16 november geet d'n poll dichte. Wie d'n Haverkamper van 't joar geet wodd'n, dat heurt oelleu zoadterdag 24 januari bi-j d'n Haverkamper van 't joar verkiezing in café d'n Exelse mölle in Exel (bi-j Lochem).

03-11-2008: Luuster noar radio rock &loll, d'r kump disse wékke 'n priesvroag woar HKB CD's met handtekeningen verlot wodd'n! Da's mooi goedkope riek wodd'n!

20-10-2008:Zoadterdag 13 december 2008 is d'n Haverkamper van 't joarverkiezing in café d'n Exelse mölle in Exel (bi-j Lochem). Hier wöd duudeluk wie d'n held van 2008 is!

06-10-2008: Høkhart zal wel héllig wodd'n as é dit zut... 'N échte rocker lut zich neet geerne zeen zonder zien verstarkers, hahahahaaa!!! En a-j um normaal met de knöppe zeet drea-jen, dan zo-j neet zeggen dat é hier schik van hef.

27-08-2008: Umme te zörgen dat de spanning d'r in blif is d'n tussenstand van d'n Haverkamper van 't joar verkiezing geheim emaakt.
Now neet metene denken: "die gasten van de Haverkampband goat toch stiekem hun eigen kammeroad kiezen", want det is neet woar. Wielle kunt disse poll ok neet besodemieteren, doar bunne wielle te olderwets veur. Straks noa 't Haverkamper van 't joarfeest ku-j d'n uutslag gewoon weer bekieken!
Wi-j denkt dat 't better is de spanning d'r effen in te hollen, en wi-j ziet 4 Haverkamp(st)ers die 'n beste bulte stemmen hebt! Dus: verkoop ow varse wos neet veur da-j d'n beer geslacht hebt !

24-08-2008: Zo, vanaf now ku-j weer stemmen wie d'n Haverkamp(st)er van 't joar wordt! Binnenkot heurt jullie woar 't Haverkamp(st)er van 't joar feest gehollen wordt en wanneer wi-j 't gratis thuusoptre-jen doot!

20-08-2008: Zoadterdag as. wordt de letste Haverkamp(st)er van d'n moand ekozen, doarna kunt oelleu weer stemmen wie d'n Haverkamp(st)er van 't joar mot wodd'n! Disse Haverkamp(st)er van 't joar krig ok dit joar weer 'n gratis* thuus optrejen van d'n Haverkampband!

* kost wel 'n "betjen" bier natuurluk....

30-07-2008: Super sponsorcontract Haverkampband / Brutus tractorpulling team.

Al kump 't d'r met batsen tegelieke in, an gave dinger blief i-j kru-jwagens geld uutgeven. Zo geet 't ok bi-j team Brutus. Umdat wielle donders geerne noar 't woeste geweld van Brutus stoat te kieken, goa-w ze sponsoren met ons rocksterren salaris! De priezenkaste in huuze Brutus kriegt ze zellufs met Brutus neet meer van de plekke, en da's metene de reden dat ze de fundering anpast en 't huus an 't verbouwen bunt. Dus zo zie-j moar weer, d'r is altied wel weer wat anders woar i-j 't geld an kwiet kunt raken, en van 't één kump 't ander.

28-06-2008: D'n helden kommen an wal!

29-05-2008: Haverkampband verzörgt now ok "teambuildings"! Wetten wat det now weer veur gekkigheid is???

18-05-2008: Reerbek zwoar gewond! Reerbek kan gin dinger besturen, dat bewees hee afgelopen zoadterdag moar weer es. Hier scheuren hee nog fier vedan, moar bi-j 't "keren op de weg" stoeken hee op d'n kwakert.... (jammer genog he-w doar gin plaatjes van).

16-05-2008: Haverkampband zuch 'n chauffeur! Ri-jen, 't grei opbouwen, as 'n dolle bolle tekeer goan op 't podium, afbrekken én weerumme ri-jen wördt ons ietskes te völle.... Wie hellept ons uut d'n brand? Meel ons effen a-j onmundig belangriek wark wilt hebben..

15-05-2008: Mann is d'r eindeluk weer ni-js!

13-03-2008: Veur d'n eerste moal, allenig veur échte helden, 't Twents Helden Bal! Zol i-j 'n held wéhn? Wielle goat 't misschien wal test'n. En och, anders ku-j altied veur weinig centen tóch bokkezat wödd'n!

21-01-2008: Reerbek heurt now bi-j de échte rockhelden! Hee is nummer 1732 op www.sideburns.nl (dat bunt dus "latten"....)

02-01-2008: Zo, d'n Haverkampband opper-computer was effen noar de kloten, moar now dut é 't weer! Umme te beginnen wensen wielle oelleu 'n opperbest, gelukkig, gezond, dampend en 'n rockend ni-jjoar too Dat iederene moar 'n good joar met völle (Haverkampband) schik en weinig döst mag kriegen!

16-12-2007: Haverkampband zuch 'n chauffeuse (m/moar leeverv). Zit i-j ok hele dagen met ow bleke harses achter 'n PC te kieken, lust i-j gin bier, heb i-j elleken moandagman'n wéér gin klote met-emaakt en wet i-j nooit starke verhalen te vertellen op kantoor? I-j kriegt now de kans van ow leaven! Gooi ow leaven kats knetter umme van zoere ulk tut altied lachende en schune bakken vertellende gave pik! De zoere pikken op kantoor zult snachts in berre liggen te huulen at ze d'r an denkt hoe saai hun leaven is at ze 't vergeliekt met dat van ow!!

05-12-2007: Krek op tied veur sinterkloas! Bi-j d'n Spar in Hummel is d'n eerste vracht met d'n 2e persing van d'n mini CD Zoepmuziek an ekommen. Natuurluk bunt ze d'r groewluk bli-j met, 't verkuch at bast. Natuurluk bunt wielle ok arg bli-j met disse bastende verkoop antallen van d'n Spar! Edwin is d'n handelsman dee d'r gruwluk völle kwiet kan raken én hee is drummer veur zien wark.

26-11-2007: Tied veur 'n ni-je CD hebt wi-j neet gehad umdat Reerbek d'n microfoon neet vaste kon hollen... Dussss he-w weer 'n ni-je vracht met "Zoepmuziek" CD's an loaten rukken, anders he-w niks te verkopen, en oeleu niks te kopen. 'T zol zunde wéhn as oeleu met 't zoerverdeende geld zitten bleven, en wielle niks te verbrassen hadd'n! Umdat d'r disse moal gin studiokosten an vaste zatten ku-w ze nóg goedkoper weg doene, veur 5 Euro per CD! (en dan verdeend wielle d'r ok nog meer an as an d'n 1e persing, hahaaaa!!!!!).

20-10-2007: Wi-j hebt 'n olde belofte ingelost, kiek hier noar d'n plaatjes (onder an!).

18-10-2007: Høkhart hef zien ni-je verstarker groewluk bes in odder! In 't oefenhok he-w kunnen heuren dat 't dink smerig hard knapt en 'n onbesoest woest geluud hef. Høkhart hef iedere vri-je minuut an d'n knöpkes zitten drea-jen. Op d'n achterkante zitt'n, eerluk woar, nog knöpkes... Hee wet zelluf dat 't echt neet better kan, better grei is d'r zellufs met zien rocksterrenloon neet te koop! Dus, allene d'n versletten knöppe d'r af, ni-j grei d'r op en gieren en gillen met d'n pröttel!

10-10-2007: Zwoar wark, ni-je nummers schrieven.... Moar wi-j hebt d'r weer 3 eigen nummers bi-j in éne oavond!

04-09-2007: Jeanette en Appe hebt now 'n allemachteg mooien slephut! A-j ze wilt filliciteren met hun goeie smaak, ku-j dat hier doene.

02-09-2007: Basman is now noast rockster ok koning! Hee is schutterskoning van heel (!?) Klein Amsterdam ewordne en hef zien Liesbeth as kunneginne ekózen! En ooo wat is é trots!

01-09-2007: Reerbek is weer helemoal ni-j! Gister hef é met d'n schoolder op 't hakblok gelégen, en zoa-j kunt zeen begon é zowat derek toen en wakker wier weer eier te vréten. Dus deerntjes: uutkieken!

07-08-2007: Reerbek mot 31 augustus opereerd wodd'n, wi-j wenst um völle starkte en zollen d'n chirurg vriendeluk willen vroagen umme derek ok iets (zal wel akeleg völle wodd'n...) an zien verstand te doone!

30-07-2007: Deerntjes en kearls, slecht ni-js..... Reerbek kan de kommende tied gin optrejes doene umdat zien scholder knetter versletten is..... Dat kump umdat Reerbek zo groewluk wild is, en natuurluk hebt alle scholderklöpkes d'r ok met van doene. Noa d'n operatie wilt wielle neet optrejen umme zien scholder rust te geven. Reerbek kan toch neet hénig an doen en wi-j bunt bange dat é derek weer vol gas an 't knappen geet en hee zien scholder weer verneukt. Wi-j hebt dus met zien allen besloten effen gin optrejens meer an te nemmen. Wi-j goat natuurluk derek weer volle pot wieter as d'n scholder weer good is!

Dus: 10 en 11 Augustus bunt jammer genog d'n leste optrejens, veurlopig.... In d'n tussentied goan wi-j in onze oefenruumte hénig an wieter met ni-je versjes an 't bedenken, want wielle goat zekerste weten deur!

Halluf gas is zunde van d'n gasöllie, vol gas is 't enigste dat wielle kunt!

23-07-2007: Deerntjes en kearls, tied umme weer es 'n kruusken in 't goeie vakjen te zetten met ow stempotlood! STEM!!

22-07-2007: Haverkampband kuch 'n ni-je toerbus! Bekiek d'n foto hieronder moar es good, dit is um natuurluk neet echt. Onzen toerbus hef d'n wielen iets wieter uut mekare umdat anders onzen langen luxe wagen d'r neet tussen past! En zonder onzen limo können wi-j natuurluk niks beginnen! D'r kump ok nog 'n patatkroam an d'n trekhoak met 'n mega gehaktballenpanne, ok 't dreugrek veur d'n dreuge wost mot d'r nog op. wieters leek 't ons wal goed toe.

En an de pinken he-w ok edacht.....

28-05-2007: Høkhart hef zich 'n Hook verstarker ekoch, da's 'n super verstarker met zellufs nog knöpkes op d'n achterkante. Ech wat veur onzen Høkhart dus, zit é nog meer te drea-jen.... Met 'n paar wékke zal é um wal metnemmen met optre-jen, hee mot d'r nog 'n bescharmkiste ummeheer hebben en 't logo op d'n veurkante wurdt an-epast noar "høøk".

23-05-2007: Reerbek ontmoet z'n grote held en veurbeeld, hee was 'n betjen trillerrug moar moch toch met um op d'n foto!

19-04-2007: 'N good bericht, 29 april hebt oeleu 'n extraatjen, 'n veurprogramma van d'n Haverkampband met d'n Jovink's in Bills bar.

15-04-2007: Plakkie hef zien kado ekregne! Hee is Haverkamper van 't joar en wielle hebt gister 't gratis thuusoptre-jen egeven! Kiek d'n foto's effen! 'T was 'n alderbastend klasse feestje, Plakkie en d'n familie ten Dam, DONDERS BEDRANKT!

08-04-2007: Plakkie is d'n Haverkamper van 't joar ewordne! D'n Haverkampband hef van alle 12 d'n Haverkampers van d'n moand 'n foto bi-j d'n Schipbékke ekregne met alle Haverkamp(st)ers d'r op! Wi-j bunt hier zeer bli-j met, en trots op natuurluk! Alderjekes bedrankt!

01-04-2007: D'n poll van d'n Haverkamper van 't joar is vanaf now eslotten.Op 't Haverkamp(st)er van 't joar feest in Maarkel zal d'n uutslag bekend wödd'n emaakt. Iederene kommen dus (goede)vri-jdag 6 April in café d'n Haverkamp in Maarkel!

19-03-2007: D'n poll van d'n Haverkamper van 't joar is vanaf now neet meer zichtbaar umdat anders iederene al wet wie of 't wördt, en dan is d'r gin flikker meer an op 't Haverkamp(st)er van 't joar feest in Maarkel. Zundag 1 April is d'n letste stemdag umdat wielle ok nog wat dinger motten regelen. D'r kan dus nog effen gestemd wödd'n!

17-03-2007: D'n computer van d'n Haverkampband is oaverbelast eraakt deurdat d'n hele wereld an 't stemmen is op zien favouriete Haverkamp(st)er um em Haverkamp(st)er van 't joar te loaten wéhn. Wi-j hebt d'r krachtstroom op ezet en wielle hópen dat 't weer effen goed geet.

04-03-2007: D'n Haverkampband dut 'n speciaal optrejen umme d'n Haverkamper (fan) van 't Joar te eren! Lés wieter.....

05-02-2007: Zoepmuziek, d'n ni-je mini-CD van d'n Haverkampband is regio-CD van d'n moand februari bi-j Radio Favoriet FM! Woensdag 14 februari maken wi-j doar 'n proatjen tussen 20.00 en 21.00 uur!

01-02-2007: D'n Haverkampband is op-enommen in 't "Boeren rock" buuksken, alle écht belangrieke (ahum) muziekverenigingen die in 't plat reert bunt in 'n stuk of wat vagina's met donderse info en foto's beschreven (ISBN 9789058976062).

12-01-2007: D'r kump weer 'n ni-jen Haverkamp(st)er van d'n moand an, weer 'n geheimzinnige pik die 't dubbel en dwars verdeend hef. Huldiging is 27 Januari in Vriezeveen.

10-01-2007: D'n Ni-jen mini-CD "Zoepmuziek" geet d'n hele wereld oaver, o.a. noar Schotland, Australië, Zuud Holland, Broabant, Duutsland, België, Amerika enz. Straks kunt wi-j neet ens meer normaal in Los Angeles oaver stroate. D'n HKB directie gif an graag noar Schotland te goan umme d'n whisky flessen te loaten rammelen en gus te maken!

01-01-2007: Iederene d'n beste wensen en 'n rockend 2007!

31-12-2006: D'n ni-je site is d'n loch in! Loat heuren wat of i-j d'r van denkt op 't reerbord!

30-12-2006: De CD presentatie in Goor was 'n groewluk succes! Bestel d'n mini CD "Zoepmuziek" derek of kom kieken bi-j 1 van oonze optre-jens!