Mot d'r ok 'n

78 toeren plate kommen?

Foto's van d'n uutreiking van 't eerste bandjen van d'n Haverkampband

21-10-2005: D'n Haverkampband hef gin good marktonderzuuk edoane. Völle fans vroagt umme cassette bandjes. Umdat dat tameluk olderwets is bunt wi-j neet te beroerd umme d'r wat te loaten maken veur d'n meest olderwetse fans. D'r is 'n beste opper cassettebandjes in d'n opslag ezet en Marcel Arendsen uut Uuken hef 't eerste bandjen in ontvangst enommen.

Marcel hef 'n milieu vergunning umme disse oaveral an te meugen trekken!

A-j denkt: woar ken ik um toch van? Marcel is Nederlands, en europees indoor kampioen trekkertrek met zien International 1486 in d'n super-sport klasse tut 4,5 ton.

Kiek effen op www.tractorpulling.nl umme Marcel zien ideeën wat béter te begriepen.

Hoezo olderwets????? Marcel hef gin CD spöller. In 1979 hef 'e van zien vaa 'n cassettespöller ekregne, en den dut 't nog bes. Dus van ni-j grei mot Marcel nog niks wetten.

Nog 'n minder leuk ni-jtjen is dat é zien rood verroeste International trekker an 't spuiten is, anders moch hee neet met doon met d'n europeese kampioenschappen??? Marcel hef 't d'r nog oaver ehad met d'n organisatie umme d'r dan moar blanke lak oaverhen te spuiten, moch ok al neet....

Zol trekkertrek dan toch 'n homosport wödd'n? D'n Haverkampband is neet bli-j met zökke fratsen, olderwetsigheid = bestigheid, en i-j mag best zeen dat 'e wat gelee-jen hef! Wi-j zollen graag zien dat 't umme de pk's en d'n sport geet, en neet umme d'n styling en 't geld!