Ambtenaren bunt neet altied

van die onmundeg dreuge kloazen !

Foto's teambuilding Ambtenaren te Zwolle 29-05-2008

'T is ons al es eerder gebeurt da-w ons daneg verkekken hebt op 'n optre-jen. Wielle werd'n op-etillefoneerd of wielle wollen spöllen op 'n "teambuilding" (gewoon 'n paar dagen uut met ow collega's (= weg van 't wief), met as zoep-smoes dat 't warrek d'r better van zol wod'n...). Joa, ze bedenkt wat tegenswoordig! Wielle zei-jen "mwoh, 't knapt völ te hard veur van die pikken die d'n helen dag met 't bleke gezicht achter d'n computer (= moderne tiepmachine) zitt'n te kieken". Now zei d'n regel-ambtenaar an d'n andere kante van d'n tillefoon, dét was dus ábsoluut neet woar! (hee wier hoast héllig...). Dus, ze mossen 't zelluf moar wetten, wielle kunt as rocksterren ok neet van d'n loch léven, d'r mot gewoon brood op d'n planke kommen, dus wielle d'r hen. Kearl, wat hebt wielle 'n alderjekese beste oavond gehad! Met 't opbouwen gingen vernemstig mooie deerntjes salsa dansen (= één of andere paringsdans uut 'n land 'n donders ende vot), dus alle kabels zatten verkeerd umme an-eslotten... Karl Noten was trouwens d'n leraar. Wielle zult neet langer lullen, bekiek d'n plaatjes moar effen!

Zo, eerst 'n (zucht, lauwe) halleve liter bi-j d'n strotte griepen!

D'n ambtenaren begreppen best dat lauw bier neet kan, dus werd d'r metene 'n blad koel bier an-erukt. En d'r ontstond kammeroadschap!

D'n 1e set ging metene vol gas!

O joa, hier hei-j Erik "het hoeft echt geen gereformeerd feestje te worden, MAAR:" dit mag niet, kijk uit voor dat, de ruiten moeten erin blijven zitten enz..... Doar kregen wielle kriebel in de pense van! En wielle hebt nog nooit iets kapot gemaakt! Wi-j vuulen ons uutgedaagd, en beslotten den pik es 'n betjen zenuwachtig te maken!

Gelukkig hadden wielle d'n ambtenaren, opperbeste pikken woar i-j groewluk met feesten kunt (det kolde bier an 't begin van d'n oavond hef wonderen verricht!).

Reerbek vuult effen an zienne kop, wat 'n dampende feestbende, en Erik "het hoeft echt geen gereformeerd feestje te worden, MAAR" hef nog zo ezech dat 't rusteg mos, moar neet tegen de ambtenaren denk ik....

Wielle hebt ok 'n groewlukken besten oavond gehad!!!

Iederene wol metreeren, zo heurt det, teambuilding!!!!

Plakkie en Wouter samen. Dit was 't meest sexy moment van d'n oavond.

Luchtsolo!

En nog éne!

Ehh, de volgende moal he-w leever 'n vernemstig deerntjen met 'n kale pens.

Tsja, det moch ok eigenluk neet van Erik "het hoeft echt geen gereformeerd feestje te worden, MAAR" Moarja, a-j doar noar luustert, dan gebeurt d'r nooit iets woar i-j nog joaren over noa kunt proaten.

Zo, de vers gebakken wost ging d'r wal in!

Moar eerluk = eerluk, i-j kunt van Erik "het hoeft echt geen gereformeerd
feestje te worden, MAAR" zegg'n wa-j wilt, moar hee kwam wal 20x langes met 'n onmundeg blad kold bier!

En ze vratten moar deur!

Zodat ze d'r weer volle pot tegenan konden!

Paus plaktus penus diktus d'n 1e.

Huppelakee!

Binnen 1 minuut hadd'n ze 't "wi-j wilt sex" bordjen al af-egapt.

Daldeejen, met 'n mooie deerne op 't knee. Normaal esprokne hef Plakkie d'n sigare rechts, moar den deerne vompen al dufteg vedan met den sigare...

Op d'n bar stoan en d'n lampe loaten slingeren moch ok al neet van Erik "het hoeft echt geen gereformeerd
feestje te worden, MAAR"

Achterin zitt'n altied de pikken die neet noar veuren durft, op ons noa dan....

Zo, buuten zit 't vollek dat de muziek neet mooi vinnen (jawal, alle 7).

Doar kwam Basman Rob tegen, die al snel in de gaten hadde dat 't nummer in E ston. Now, toen hef Basman d'n bas gauw of egeven!

Want buuten was 'n bult moois te zene!

En binnen dampen 't steveg deur!

D'n teambuilding geet warken, al met zien 3-en tegelieke! Now, det was 'n mooi feest, enne... Wielle hebt ezene dat ambtenaren best zweiten kunt! Allemoale donders bedrankt! As d'r meer ambtenaren 'n feestjen wilt, bell'n, wielle komt derek!

Meer plaatjes kieken?  Plakkie