Zuuk i-j 'n écht goeie live band?
HAVERKAMPBAND
Hier bunt
wi-j
dan!
Boekingen, contact en priklieste van Muziekvereniging Haverkampband
Telefoon:
06-55536838
b.g.g. 0575-463711 (Bart, noa 18.00 uur)
Muziekvereniging Haverkampband steet ineschrevne in 't handelsregister bi-j d'n kamer van koophandel onder nummer 09163504. Oprichtingsdoatum 05-09-2006.
Fanclub:
D'n fanclub is nog neet helemoal op oorlogsstarkte, moar i-j kunt ow schrifteluk
anmelden. A-j kwiet wilt dat wi-j alderjekes goed bunt dan kan dat altied
op onderstaond adres.
Haverkampband fanclub
Diederikweg 4A
7383 RD Klein Amsterdam
Wa-j ok nog wetten mot a-j ons wilt boeken:
Muziekvereniging Haverkampband mik gin winst, is gin ondernemming en hoeft dus gin BTW an d'n belastingdienst te betalen. Dus gin gedram met belastingen en verloning, 't oavereengekommen bedrag is dus 't netto bedrag dat op ow rekkening kump (jaja, wi-j bunt neet gek op geld, moar gek op schik maken! Met schik he-j meer schik as met geld....).
A-j de versterkers bekiekt denk i-j misschien, weer zo'n "alles op 10" bendjen. Dat völt donders met, wi-j past ons altied aardig an noar de zaal of tent. A-w in 'n klein café spöllen is 't geluud neet alderjekes hard (dan steet 't eerluk woar gewoon op 1 en ku-j ok nog proaten), de schilderi-jen bunt altied nog gewoon blieven hangen. As i-j toch wilt testen of i-j alles good vaste hebt zitten, ku-w dat natuurlijk best veur mekare maken..... I-j zegt 't moar.
Pries: Vult ok donders met, 't beste ku-j effe mailen met wa-j neudig
hebt en hoe lange. A-j wieters veur 'n umkleedhok, koffie, 'n betjen bier
en Ketel 1 jenever zörgt bun't wi-j tevre-jen. A-j d'r 'n balletje
majo bi-j doet wörd 't helemoal feest!
Podiumopstelling / priklieste:
1. Drums / achtergrondzang: Sonor 4-delig, 2 crash bekkens, ride bekken en chinees bekken. Op d'n monitor: eigen zang + alles van de hele band snoeihard boven de drums uut.
2. Slaggitaar / achtergrondzang: ENGL buuzenverstarker met ENGL 2x12" speakerkaste. Microfoon veur d'n speakerkaste. Op d'n monitor: eigen zang.
3. Sologitaar: Hook met Marshall 4x12” speakerkaste (bi-j grote optre-jens stereo met 'n Marshall mark 2 set). Microfoon veur d'n speakerkaste. Op d'n monitor: solo gitaar.
4. Basgitaar: Ampeg SVT AV met Ampeg 8x10” speakerkaste, XLR uutgang. Hef gin monitor neudig.
5. Zang: Droadloze microfoon, met 'n standaard. Op d'n monitor: eigen zang, knetterhard.
6. Achtergrondzang: 2x microfoon, met 'n standaard (slachtgitaar en drums).
Haverkampband hef gin eigen PA, monitoren en microfoons. Wi-j warken 't
liefst samen met onze vaste licht en geluudsmensen.
