HAVERKAMPBAND

Haverkamp is op-ericht bi-j ‘n familiereunie. Hendrik Haverkamp, die-j vast en zeker kent van Normaal, hef 10 jaor lang het land deur ‘ezeult met Haverkamp. Moar ok bi-j Hendrik wöd’n de heure gries, en hi-j is d’r oktober 2001 dan ok met ut ‘eschei-jen. De jonge goden van d’n ne band bun’t nog lang niet gries en versletten en hebt d’n Reerbek achter d’n microfoon ‘ezet. Vanaf 2002 is de bandnaam “Haverkampband” ‘ewordne. De Haverkampband is veur ons natuurlijk gewoon ’n alderjekes beste smoes om bi-j mooder de vrouw weg te kommen en elleken wéke noa het oefenen effen bi-j te proaten bij de Café de Vroolijke Frans in Broek (Brummen). Hier maakt wi-j dan ook al oonze snode plannen..... D’n Haverkampband besteet uut: Reerbek zang (uut o.a.: Lanz Bulldog, Hazenbagger, Springleavend en Kotte mett'n) Høkhart sologitaar (uut o.a.: Noise Reduction, Naxen, Zodiac, Merlins Castle en Haverkamp) Bart wie kruppstahl slag(t)gitaar (uut o.a.: Haverkamp en Kotte mett'n) Basman basgitaar (uut o.a.: Hazenbagger en Haverkamp) Kwazzel drums (uut o.a.: ut herrie duo) Wo-j ’t hele woargebeurde verhaal heuren? Umda-w mekare missen as familie, he-w af-esproaken da-w ’n keer allemachtig zollen goan zoepen. Iederene die metene of zowat metene van vrouw haverkamp afstammen wodd’n an-eschrevne. Bi-j ’t woapen van Heekeren, ‘t cafe van Evert-Jan, mos ’t dan gebeuren en smargens vrog wodd’n d’r dan ok ’n doatum afesproaken (Evert-Jan zien geheugen wordt minder zo deur d’n dag hen). Noa ’n uurken aftanken kwam d’n proat, Hendrik Haverkamp had ’t hoogste woord en iederene lachen zich verrek! ’N stuk of wat liters jenever wieter von’n ’n stuk of wat kearls van ’t edele Haverkamp geslacht ’t wies umme d’n gitaar bi-j d’n hals te griepen en de kolenschuppen wat oaver d’n snaren hen en weer te rammelen. Now, dat ging alderbastend bes en joa, dan mo-j oaveral optre-jen. Now bu-w al ’n dikken 10 joar wieter en wi-j hebt ’t hele land en ’t buutenland ezene (de rest van de Nederlandse provincies....). A-j alles ezene heb hoef i-j neet wieter te kieken zeg Hendrik altied. A-j zo old bunt as Hendrik zol dat ok nog best ‘ns zo kunnen wézen! W-j as hups vernemstige kearls, en ’n best ende jonger as Hendrik, denkt lange nog neet an stoppen!! Wi-j hebt ’n joar lange rond-ekekken en in ’n dag zonder jenever wist d’n Basman zich nog veur d’n geest te halen dat Reerbek uut Maarkel (alias “de asperge”) ok wal rearen kon. Vrogger, in d’n Hazenbagger tied, stonnen zee ok al tegeliek op de planken. D’n Reerbek dach ok wal schik te können hebben as ‘e met toprockers met kon doon, dus....vanaf 2002 bu-w d’n Haverkampband!!! I-j hebt natuurluk wal deur dat d’n Haverkampband ’n alderjekes beste smoes is umme bi-j mooder de vrouw vedan te kommen. W-j hebt in de joaren dan ok heel wat stamcafé’s motten verslieten (altied kriegt de deernes ons weer deur). Van Evert-Jan van ’t woapen (Hummelo) noar de Prös (Witte Brink), langs ’t Ooievaarsnest (Oeken) noar de Vroolijkheid (Broek, bi-j Brummen veur de leu die gin aarderijkskunde éhad hebt). Ene moal in de wéke goa-w noa ’t spöllen effen bi-j Jan en Fennie van de Vroolijkheid an umme te "vergaderen". Hier wodd’n dan ok alle vernemstige plannen ‘esmeed.....