Knetter harde

Rock & Roll

Bendeleden

D'r komt temee aparte bladzijdes, moar hier alvast 'n kotte veurstelling van ons:

Reerbek, d'n schreeuwer van d'n bende, is écht helemoal d'n weg kwiet. In alle inrichtingen woar hij hef ezetten wissen ze zich gin road met disse halleven. Uutendeluk is hee in 2002 vri-jgeloat'n deur therapeuten wiet d'r kats deurhen zatten. Umdat hi-j zonder jatten zien brood wilde verdeenen hef hee gesolliciteerd bi-j HKB. En wielle kunt vol trotszeggen dat hee noadloos bi-j ons passen.Reerbek woont now in zien bi-j HKB bi-j mekare ereerde villa in Goor.

Høkhart is d'n goddelijke sologitarist van HKB, hi-j is d'n enegsten wiet nog neet helemoal op-egeven is. Høkhart woont op 't kasteel bi-j Doesburg umme te kieken of hee alle bi-j mekare espölde miljoenen d'r deur kan jassen.

Kruppstahl is d'n kearl met d'n akeleg grote hande wiet d'n meest vette rock & roll accoorden kan spöllen. Speciaal veur Kruppstahl is d'r 'n alderjekes starke Gibson gitaar ebouwd deur d'n gitaarproffesoren doar. Kruppstahl hef 'n olden herenboerderi-j in 't (neet meer zo) liefluke Hengel (Gld).

Basman zörgt met zien stampende bas veur d'n fundamenten van d'n goddelijke gitaarlijnen van HKB. Verder zörgt Basman helemoal narges veur, dat is ok zien grote kracht. Basman woont op 'n landgoed in Klein Amsterdam.

Kwazzel is 'n kearl die allene lachen kan, en vriendeluk kieken. Moar vergis ow neet, 't drumstel krig elleken keer groewluk smeer! Kwazzel is miljardair an de schipbékke en groot grondbezitter.

Vroagen? Vroag 't d'n jongs zellef via d'n meel

1. Wat doot oelleu veur d'n kost? Bu-j boer of wark i-j gewoon in 'n fabriek? HKB: wi-j bunt rockster! D'n Haverkampband is 'n proffesionele band, gin fabriek ofzo. Misschien 'n goeie rock versjes fabriek, applaus fabiek of 'n plezier fabriek (red. 'n Grolsch fabriek kump akelig dicht in d'n buurte!).

2. Hoe onstoat d'n versjes? HKB: gewoon, meestal spölt Høkhart 'n vreselijk goed stukjen rock. Batermans begint dan as 'n gek op zien drumstel te bateren, Kruppstahl en Basman kiekt mekare dan moar an en doot dan ok moar met umme 't maximaal te vervetten. Reerbek reert gewoon stom veur zich uut met alles wat d'r bi-j um deur de kop spookt. Meestal geet 't dan oaver sex of bierzoepen. Dat krieg i-j d'r van a-j rockster bunt en nooit wieter kiekt.....

3. Woar hebt oelleu wal es ruzie oaver? HKB: ruziemaken doot wi-j neet. Wi-j goat leever muziek maken en bier zoepen. As iemand 't arges neet met eens is dan doot wi-j 't gewoon neet en goa-w snel bier zoepen. Zo heb i-j ok nooit ruzie! (red. d'r is wel es ruzie oaver wie 't eerst op 'n mooie deerne mag, in 't sop van 'n andere rockster zitten knooien is neet echt fijn, en neet doon doot wi-j ok neet...)

4. Waorumme stoat oelleu neet in d'n top 10? HKB: umdat wi-j bi-j niemand in 't hol kroepen!