Heipoalen stampen

is mien vak!

Bendelid Basman

Zo, hier is Basman uut Klein Amsterdam. Vanaf de leagere school wis ik al wa'k worden wol: rockster! Op d'n leagere school ha'k al 'n band met mien kammeroad, de Oeken groep. Wieters he'k o.a. in Hazenbagger 'espölt. Noa 'n paar joar alderjekes knappen hebt ze mien 'evroagt veur d'n Haverkamp band.

Da's trouwens al effen terugge, 'n tillefoonpoal, 'n zitkuul en 'n Renault 4 was joaren terugge al olderwets grei....

Hoe dat vroagen ging? Simpel, ik was uut Hazenbagger estapt umdat ik d'r genog van hadde. Heb 'n advertentie ezet in d'n particulier ('n krante dus!). Doar he-k in loaten zetten: "Rock & Roll bassist zoekt band", neet meer en neet minder. Nou, 'n dag of wat later bellen Batermans op: "ken i-j Haverkamp?" Basman: "Joa" Batermans: "Heb i-j zin umme woensdag effen met te knappen in Hummel?" Basman: "Joa, umme 'n uur of achte bun ik d'r wal". Noa 't oefenen dach ik, loa-k es vlot vroagen hoe 't d'r veur steet, want Hendrik Haverkamp wol al d'r al vlot vandeur umme noar 't café te goan. Hee benen noar d'n deure en doar drea-jen Hendrik Haverkamp zich umme en zei d'n legendarische woorde: O joa, oaver 2 wékke optre-jen in Reetmölle! En dat was 't!

OK, 'n betje oaver d'n top, 'n eikenholten bescharmkiste van 2,5 cm dikke planken....

O ja, veur de zaaleigenaren: a-j mien in topconditie wilt bekieken mo-j d'r 'n liter Ketel 1 jenever en wat balletjes majo tegen an gooien! Singe malt whiskey met dreuge wos dut 't ok good.

Effe vréten nog.....(d'n 20 setjes vrétgrei bunt van borden dee ik al noar binnen ewarkt hebbe....).

Basman spölt op:
Veur de vetste dreunen mo-j good spul in de hande hebben, ik spöl dus op 'n Fender Precision uut 1978 met 'n extra Jazz element. Alle elementen bunt actieve EMG'S. As 2e bas he-k 'n Ibanez soundgear 800 uut 1992. En dat he-k met droadloos grei van Sennheiser SK100 an 'n vette Ampeg SVT AV 300Watt RMS buuzenverstarker met 'n Ampeg 8x10" speakerkast ‘eknupt. Dat batert as 'n gek en gif 'n alderjekes vette basis an de Rock 'n Roll.

Op völle zinnegs vertell'n ku-j um neet betrappen.....

'T grei is vrogger speciaal veur echte rockers 'emaakt. Knappe Rock 'n Roll proffessoren hebt joaren bi-j mekare de vetste Rock 'n Roll zitten maken en kwammen toen dus met dit grei veur d'n dag. Ik wol ze doar nog op d'n blote kneenen veur bed(r)anken! Noadeel is da-j ow kapot öst, 't grei is 90kg zwoar, ik zuuk dus nog 'n slepkearl dee met wil noar alle optre-jens.

'T grei hef heel wat te li-jen a-j donderse Rock & Roll mot spöllen!

Woar hef Basman wieters nog schik van:
*Rock & roll luusteren.
*Mountainbiken en hardlopen.
*’N betjen knooien um huus.
*Stumpertjes zoepen (’n jongen zonder) en dreuge worst vreten.
*Tentfeesten afstruinen.

Basman hef ’n hékel an:
*Gezeik en gedram.
*De drukte van de stad.
*Computer muziek (house enzo).
*Metnem telefoon (iederene belt mekaar moar gin ene hef wat te proaten).
*Moderne troep woar i-j ow geld an kwiet kunt raken zonder da-j d’r wat met kunt (b.v. een magnetron: bakken en broa-jen doe-j op ’t holtfornuus, neet in ‘n kastjen)